![[Krye GNU-je]](/graphics/heckert_gnu.small.png)
Sistemi Operativ GNU
Ky është përkthim i një faqeje Anglisht në origjinal.
Punë që duhen bërë për www.gnu.org
Ja mjaft punë të mundshme për përmirësimin e faqeve web GNU. Nëse do të donit të ndihmonit me ndonjë prej tyre, ju lutemi, dërgoni një e-mail te <webmasters@gnu.org> PËRPARA se të filloni të punonin në të.
Hyrshmëri
Të hetohet se si www.gnu.org mund të ofrojë hyrshmëri më të mirë për këdo, pavarësisht nga invaliditeti.
- Një vend i mirë për t’ia filluar është Web Accessibility Initiative (WAI).
- Mund të shihen edhe burime të tjera, në dhe jo në web.
- Njerëz afër MIT-it ose në të mund të interesoheshin për Adaptive Technology for Information and Computing të MIT-it.
- Persona që kanë mundësi në qendra të ngjashme në shkolla, organizma dhe shoqëri të tjera mund të kontrollonin me ta.
- Mund të intervistoheshin edhe përdorues të web-i që kanë invaliditete, dhe ndoshta edhe të shtoheshin te ekipi i webmasters-ave për këtë punë dhe të tjera.
Shndërrime Formati
- Po kërkojmë njerëz që të dalin vullnetarë për të shndërruar dokumentim prej formatesh të ndryshëm në formatin Texinfo. Kjo është diçka që na duhet, me raste. Do të donim të kishim një listë personash që t’u kërkonim ndihmë në raste të tilla. Nëse doni të dilni vullnetar, ju lutemi, dërgoni një email te <gvc@gnu.org>.
- Të rishkruhen faqe të ndryshme të filozofisë në Texinfo dhe të shndërrohen në HTML
duke përdorur texi2html. Mandej mund të përfshihen lehtë te:
- nëndrejtoria /gnu/GNUinfo e ftp.gnu.org
- nëndrejtoria etc/ e shpërndarjes GNU Emacs
- pema e Informacioneve për sistemin GNU
- vende të tjera të dobishme
Shkrim Faqesh Web
- Shkruani faqe web për programe GNU që nuk kanë faqe web në shërbyesin tonë, ose për ata që i kanë faqet web të vjetruara, duke përdorur si gjedhe faqen tonë software boilerplate. Lexoni gjithashtu faqen tonë standarde faqesh për software.
Lidhje të Dëmtuara
- Lypset ndihmë për ndreqjen e lidhjeve të dëmtuara. Ka simlidhje të shumta, ndaj, ju lutemi, mos i dëmtoni ato gjatë ndreqjeve tuaja. Lypset kohë dhe kujdes për të gjetur lidhje të dëmtuara, dhe, në shumicën e rasteve, për gjetjen e një zëvendësimi të përshtatshëm. Ju lutemi, sigurohuni që gjatë gjetjes së zëvendësimeve të ndiqen rregullat tona mbi lidhjen.
Përkthim
Ndihmoni për përkthimin e faqeve web të GNU-së nga Anglishtja në gjuhë të tjera. Ose mund të futeni te një ekip ekzistues përkthimi, ose të krijoni një të ri. Shihni ekipet ekzistuese të përkthimit.
![[Logo FSF-je]](/graphics/fsf-logo-notext.png){kind=logo}