Si mund ta ndihmoni Projektin GNU dhe Lëvizjen për Software të Lirë - Projekti GNU

Ky është përkthim i një faqeje Anglisht në origjinal.

Si ta ndihmoni Projektin GNU dhe Lëvizjen për Software të Lirë Foundation:

Ndihmoni në zhvillimin e sistemit operativ GNU
Aktivizohuni vullnetarisht me Free Software Foundation
Tregojuni të tjerëve rreth Projektit GNU dhe Lëvizjes për Software të Lirë
Punoni për Lëvizjen e Software-it të Lirë
Ndihmoni në përkrahjen e zhvillimit dhe përdorimit të GNU-së
Ndihmoni FSF-në të mbledhë fonde
Kontribuoni me grafikë

Pyetjet e përgjithshme rreth projektit GNU, dërgojini te <gnu@gnu.org>, ndërsa pyetjet dhe këshillat rreth këtij sajti, dërgojini te <webmasters@gnu.org>.

Ndihmoni në zhvillimin e sistemit operativ GNU

Shkruani doracakë dhe dokumentim tjetër të lirë për software-e GNU.
Kontribuoni te një nga projektet e software-it të lirë me përparësi të madhe.
Lista GNU Help Wanted është lista e përgjithshme e paketave software GNU. Mund të shqyrtoni edhe mundësinë e marrjes përsipër të një prej paketave GNU të pamirëmbajtura.
Ka të tjera projekte me të cilat do të ishte mirë të punohej.
Përmirësoni për software-in e lirë funksionimin nën aftësi të kufizuara.
Propozojini paketat tuaja të dobishme software për paketa GNU. Shihni informacionet mbi vlerësimin e software-it GNU.
Nëse jeni një student, dhe ju duhet të bëni një projekt zhvillimi software-i, kontribuoni duke e dhënë për GNU-në. Shihni se si ta bëni universitetin t’ju lejojë ta hidhni në qarkullim si software të lirë.

Nëse dëshironi të punoni vullnetarish për software GNU, shihni se si të dilni vullnetar.

Ju lutemi, bëjuani të ditur Bashkërenduesve të Vullnetarizmit te GNU <gvc@gnu.org> nëse nisni një pakete të re që e gjetët në këto lista. Duam të ndjekin se mbi cilat projekte po punohet.

Kur shkruani software për GNU-në, ju lutemi, ndiqni Standardet GNU të Kodimit dhe dokumentet Informacion për Mirëmbajtës të Software-it GNU.

Ndonjëherë na ofrohet software që bën në thelb të njëjtën punë si një paketë ekzistuese GNU. Edhe pse, sigurisht, i vlerësojmë të gjitha ç’na ofrojnë, kuptohet që do të donim të inkurajonim programuesit ta shpenzojnë kohën e tyre duke shkruar software të lirë që bën gjëra të reja, jo për gjëra të kryera tashmë. Pra, përpara se të filloni një program të ri, ju lutemi, kontrolloni te Lista e Software-it të Lirë për software të lirë që bën tashmë atë që doni të bëni ju.

Për zhvilluesit e software-it GNU mund të ofrojmë disa burime.

Bashkërenduesit e Vullnetarizmit te GNU-ja <gvc@gnu.org> mund t’ju ndihmojnë, nëse do të donit të ndihmonit në zhvillim software-i GNU. Ata do të jenë në gjendje t’ju lidhin me të tjerë persona të interesuar ose që po punojnë me projekte të ngjashme. Kur keni përzgjedhur një paketë nga listat tona, ju lutemi, bëjuani të ditur që interesoheni për të punuar me të.

Aktivizohuni vullnetarisht me Free Software Foundation

The Free Software Foundation është sponsori parësor organizativ i Sistemit Operativ GNU. FSF-ja gjithashtu ndihmon të përhapet ndërgjegjësimi për çështje etike dhe politike të lirisë së software-it.

Si GNU-ja, edhe FSF-ja shumë prej fuqisë së saj e merr prej vullnetarëve. Është një vend shumë interesant për t’u aktivizuar si vullnetar dhe një bashkësi shumë interesante për pjesëmarrje, veçanërisht nëse nuk keni kuadrin teknik të nevojshëm për të kontribuar drejtpërsëdrejti në zhvillimin e software-it të lirë. Hidhini një sy faqes së vullnetarizmit të FSF-së, sa për t’ia filluar ose kreut që të mësoni më tepër rreth tyre.

Tregojuni të tjerëve rreth Projektit GNU dhe Lëvizjes për Software të Lirë

Njoftojini miqtë tuaj rreth filozofisë dhe software-it GNU.
Kur i referoheni sistemit operativ që zuri fill si GNU-ja me Linux-in shtuar atij, quajeni GNU/Linux, dhe mos u shkoni pas atyre që e quajnë “Linux”. Pasi njerëzit të jenë të ndërgjegjshëm se çfarë keni bërë deri sot, në vend se kjo t’i atribuohet të tjerëve, ata do t’i përkrahin më fort përpjekjet tonë të tashme dhe të ardhme. Kjo lloj ndihme zë shumë pakë kohë, pasi të keni harruar huqin e vjetër.
Shpaloseni përkrahjen tuaj për lëvizjen e software-it të lirë dhe idetë tona të lirisë për përdoruesit e kompjuterit, duke thën “ software i lirë”, “software libre” ose “software i lirë/libre”.
Shmangni termin “burim i hapur” që përfaqëson hedhje poshtë të idealeve tona.
Shtoni një lidhje për te ky site web te faqet tuaja hyrëse.
Këshillojuni të tjerë të bëjnë gjëra nga këto.

Punoni për Lëvizjen e Software-it të Lirë

Kjo listë është radhitur pak a shumë me gjërat më urgjente në krye. Ju lutemi, mbani parasysh që mjaft gjëra në këtë listë janë lidhje që shpien te lista më të gjera, më të zgjeruara.

Organizoni një Grup të ri Aktivistësh të Software-it të Lirë, për promuovimin e software-it të lirë në vendin, zonën apo qytetin tuaj. Fillojani duke e radhitur grupin tuaj te libreplanet.org.
Ndihmoni në mirëmbajtjen e Listës së Software-it të Lirë.
Dilni vullnetar për “Verifikues Lirie” për të kontrolluar nëse një shpërndarje e dhënë përmban vetëm software të lirë, që kështu të mund të përfshihet te lista e shpërndarjeve të lira.
Bëhuni vetë një shembull, duke u hedhur te një sistem operativ krejtësisht software i lirë. Rruga më e lehtë për ta bërë këtë është instalimi dhe përdorimi i një prej shpërndarjeve të lira GNU/Linux.

Ndihmoni në përkrahjen e zhvillimit dhe përdorimit të GNU-së

Ndihmoni te Savannah. Jemi duke kërkuar veÃ§anërisht për vullnetarë me njohuri teknike në administrim sistemesh, për të na ndihmuar në mbulimin teknit të infrastrukturës së saj. Janë shumë të mirëpritur vullnetarë që të na ndihmojnë me parashtrime te projekti në pritje të shqyrtimit. Ju lutemi, shihni të dhëna të përgjithshme se si të bëheni një hacker te Savannah. Ju lutemi, lidhuni me ne përmes listës së postimeve savannah-hackers-public.
Organizoni një Grup Përdoruesish GNU/Linux të ri.
Dilni vullnetar për përgjegjës sajti GNU. Fillojani duke plotësuar pyetësorin për përgjegjës sajti.
Përktheni në gjuhë të tjera sajtin GNU. Më tepër të dhëna rreth kësaj fushe mund të gjeni te Udhërrëfyesi mbi Përkthimin e Faqeve web të www.gnu.org. Nëse dëshironi të ndihmoni, na shkruani <web-translators@gnu.org>.
Kur flisni me njerëz që nuk e çmojnë lirinë dhe bashkësinë, mund t’u tregoni atyre mjaft përparësi teknike të software-it të lirë (shihni Pse Burimi i Hapur / Software-i i Lirë Ia Vlen? Shihni Numrat! për disa fakte të dobishme). Por mos lini pa përmendur gjithashtu çështjet etike! Mos e ndryshoni zërin tuaj në zë burimi të hapur, për shkak të presionit nga ata.
Dilni vullnetar për të siguruar praninë e eseve prej faqes sonë mbi filozofinë dhe URL-ve të tjera GNU te listat, portalet dhe sajte të tjerë indeksimi hierarkik në WWW, të tillë si Yahoo!, dmoz.org, dhe Google. Bëjini këta të shtojnë zëra të hollësishëm rreth faqeve tona të ndryshme web. Bëni të mundur që ese prej faqes sonë mbi filozofinë dhe të tjera URL GNU lidhen te kategoritë e duhura. Nëse dëshironi të ndihmoni në këtë fushë, ju lutemi, lidhuni me Bashkërenduesit e Vullnetarëve GNU <gvc@gnu.org>.
Dhurojini FSF-së hardware.
Merrni përsipër një nga punët që duam të kryejmë për këtë shërbyes web.
Nëse ju ose shoqëria juaj merreni në një farë mënyre me asistencë ose zhvillim software-i të lirë, mund ta paraqisni veten (ose shoqërinë tuaj) te Lista e Shërbimeve GNU.
Nëse keni një shoqëri e cila ka nevojë të punësojë njerëz për të punuar me software të lirë, mund të bëni kërkesë te Faqja jonë e Punësimeve në Software të Lirë.
Mund të ndihmoni duke u lidhur me shoqëri që duan të postojnë njoftime punësimi, që ta bëjnë këtë te Faqja jonë e Punësimeve në Software-in e Lirë. Nëse do t’ju interesonte kjo, ju lutemi, lidhuni me <job-page@fsf.org>.

Ndihmoni FSF-në të mbledhë fonde

Bëhuni Anëtar Shok i FSF-së.
Bëni një dhurim, ose drejtpërsëdrejti te FSF-ja, ose përmes Flattr-it.
Porositni te FSF-ja doracakë, bluza, ngjitës dhe gjëra të tjera.
Bindeni zyrën tuaj të blejë doracakë dhe bluza nga FSF-ja.
Shitni software të lirë dhe dhuroni një pjesë të të ardhurave për Free Software Foundation ose ndonjë projekt tjetër zhvillimi software-i të lirë. Duke financuar zhvillimin e tij, ndihmoni botën e software-it të lirë të bëjë përpara.
Shpërndarja e software-it të lirë është një mundësi për mbledhje fondesh për zhvillimin e tij. Mos e humbni këtë rast!

Kontribuoni me grafikë

Po kërkojmë grafikë të re për bluza dhe sende të tjera GNU dhe FSF te shitorja jonë. Nëse interesoheni për të kontribuar me punë artistike cilësore, që të ndihmoni shtimin e ndërgjegjësimit mbi software-in e lirë, ju lutemi, lidhuni me <graphics@gnu.org>. Ju lutemi, mos na dërgoni kartela më të mëdha se 2MB. Në vend të kësaj, ngarkojeni kartelën diku dhe na dërgoni lidhjen për atje.

Ja disa ide se si mund t’i përdorim punime artistike.